Ақтөбеде емшіге қатысты қылмыстық іс қозғалды

Ақтөбеде жүзге жуық адамды алдады деген күдікке ілінген емшіге қатысты «Аса ірі көлемде алаяқтық жасау» дерегімен қылмыстық іс қозғалды. Бұл туралы облыстық Полиция департаменті хабарлады.

Алдына дауа іздеп барған тұрғындарға несие алғызып, оны өзінің шотына аударып алған емші туралы кешегі эфирімізде айтқан едік. Жәбірленушілердің әрқайсысы 1 миллионнан 30 миллион теңгеге дейін ақша аударған. Олардың көбі гипноздың құрбаны болғанын айттады. Келген шығын көлемі қазірдің өзінде 500 миллион теңге шамасында. Бұл іс бойынша әзірге отызға жуық жәбірленуші бар. Алайда арызданушылар саны әлі көбеюі мүмкін. Күдікті уақытша қамалды.

Жақсыбек Кемал