Басты Жаңалықтар Түркияда өртенген қонақ үйге қатысты 19 адам қамауға алынды

Түркияда өртенген қонақ үйге қатысты 19 адам қамауға алынды

27.01.2025 10:48

Түркияның Болу провинциясында өртенген қонақ үйге қатысты жасалған тергеу сараптамасының алғашқы нәтижелері шықты. Оған сәйкес қайтыс болған 78 адамның 38-і кәмелетке толмаған балалар екені анықталды.

Өрт кезінде көз жұмғандардың басым көпшілігі түтінге тұншығып өлгені нақтыланды. Сондай-ақ қонақ үйде өрт кезінде автоматты түрде су шашатын жүйенің болмаған. Бұдан бөлек өрт кезінде далаға шығуға арналған апаттық баспалдақтардың есіктері жабық тұрған. Осы оқиғаға қатысты қозғалған қылмыстық іс бойынша қамауға алынғандардың саны 19 адамға жетті.

Олардың ішінде қонақ үйдің иесі, Болу губернаторының орынбасары, өрт сөндіру бөлімінің басшысы сондай-ақ қонақ үйдің бірнеше қызметкері де бар.

Айдос Әшімұлы

Бөлісу