Ақмолалық мұғалім алаяқтарға 2,6 млн теңге аударған

Ақмолалық ұстаз алаяқтарға 2,6 млн теңге аударып, алданды. Өздерін күштік құрылымдардың өкілі ретінде таныстырған әккілер Ресейге ақша аударыпсыз, әскери операцияға қатысыңыз болуы мүмкін деп, әйелге қысым көрсеткен. Сөйтіп оны үлкен несие алуға мәжбүрлеген.

Әлия Біләлова, Ақмола облыстық полиция департаментінің жетекші маманы:

Жәбірленуші әйел полицияға ағымдағы жылдың 21 қаңтарында жүгінді. Жәбірленушіге алғашқы хабарламаны алаяқтар танысының атынан жіберген. Сондықтан ол қырағылығын жоғалтып, олардың нұсқауын орындаған. Кейін алаяқтар белгілі схема бойынша әрекет етті. Өздерін арнайы органдардың қызметкерлері ретінде таныстырған. Қазіргі кезде қылмыскерлерді іздестіру іс-шаралары жүргізілуде.

Бибінұр Әмірханқызы