Өзбекстанда 1 жылдың ішінде 5 мыңға жуық шенеунік жемқорлық бойынша жауапқа тартылған

Өзбекстанда жемқор шенеуніктер саны 37 %-ға артып, бір жылда 5 мыңға жуық лауазымды тұлға осындай қылмыспен жауапқа тартылған. Мемлекетке келген шығын көлемі 280 миллион долларға жуықтайды. Бас прокуратураның мәліметінше, өткен жылы 3 мың 821 қылмыстық іс қозғалған. Сыбайластық әрекеттер басшы лауазымындағы азаматтар арасында өршіп тұр. Мәселен түрлі деңгейдегі әкімдер мен олардың көмекшісінің үстінен жемқорлық фактісі бойынша 300-ден аса қылмыстық іс қозғалды. Мемлекеттік сатып алу кезінде күмән тудыратын 234 келісім-шарт бұзылып, 263 миллиард сум қазынаға қайтарылған.

Базаркүл Отыншиева