Ақтаулықтар теңіз жағасын тазалады

Ақтауда таза бейсенбі экологиялық акциясы жалғасты. Бұл жолы Маңғыстау энергетикалық колледжінің студенттері теңіз жағалауында тазалық жұмыстарын жүргізді. Жастар 15-шағын аудандағы амфитеатр алаңы маңындағы қоқыстар мен қураған шөптерді жинап шықты.

Айта кетейік, экологиялық акция қаңтар айынан бері барлық ауданда ұйымдастырылып, 3 тоннаға жуық қоқыс жиналған.

Айдар Тілекбаева, студент:

Осы біздің қаламыздың көрікті болуына, таза болуына өзіміздің қосып жатқан үлесіміз. Жалпы біздің Ақтау қаламызға туристер жиі келеді. Сол үшін осы теңіз жағалауында қураған шөптерді, қоқыстарды тазалап жүрміз. Ақтау қаласының тұрғындарын экологиялық мәдениетті сақтауға шақырамыз. Аягөз Оралбайқызы

Аягөз Оралбайқызы