Петропавлда оқушылар «Таза Қазақстан» акциясына қатысты

Петропавлда республикалық «Таза Қазақстан» жобасы аясында экологиялық эстафета ұйымдастырылды.

Акцияға 8 команда жолдама алған. Мектеп оқушылары қағаз, полиэтилен пакеттер сынды материалдардан тігілген түрлі костюм киіп, дефиле көрсетті. Олар қоқыс жинау эстафетасына қатысып, спорттық сайыстардан сынға түсті. Жеңімпаз командалар бағалы сыйлықтармен марапатталды.

Жұлдыз Шәкерова, қазылар алқасының мүшесі:

Осындай шаралар арқылы оқушылардың экологияға, тазалыққа сүйіспеншілігін, қоршаған ортаны қорғау сияқты құндылығын үйретеміз деп ойлаймыз.

Эльмира Кәленова