Алматыда студенттер зауыт жұмысымен танысты

Алматыда бір топ студент ірі зауыттардың біріне барды. «Жұмысшы мамандықтар жылы» аясында ұйымдастырылған кездесуде жастар ішкі әрлеу және сылақ материалдарының түр-түрімен танысты. Білікті мамандардан құрылыс заттарының жасалу тәсілдерін үйреніп, шеберлік сағатына қатысты. Бұл болашақ мамандық иелеріне тәжірибе алмасып, білмегенін үйренуге көмектеседі, - дейді ұйымдастырушылар.

Ділдәбек Дидарбек, «Жастар рухы» ЖҚ Алматы қалалық филиалының төрағасы:

Дәл осындай диалогтық алаңдардың барлығын осындай кездесулерге, мастер класстарға, зауыттарда, барлық жұмыс беруші орындардың барлығында кездесулер ұйымдастыратын болсақ, ол жай отырып кездескенге қарағанда, біздің жастарымызға өте көп өзінің пайдасын тигізеді деп сенеміз.

Қуан Нұрақын