Қызылорда облысында руханият орталығы ашылды

Қызылорда облысының Жаңақорған ауданында Руханият орталығы ашылды. Көпфункционалды жаңа нысанға бірқатар ұйым орналасады. Соның бірі - аудандық тарихи-өлкетану музейі. Мұражай осы кезге дейін ескі ғимаратта болып, көптеген жәдігерін көрермен назарына ұсына алмай келген еді. Еңселі орталыққа көшіп, қызметкерлер үлкен қуанышқа бөленді. Сондай-ақ нысанда мұрағат, кітапхана, неке сарайы жұмыс істейді. Аудандық ардагерлер кеңесі мен жастар ұйымы да осы орталыққа шоғырланды.

Ажар Жанаева, аудандық тарихи-өлкетану музейінің меңгерушісі:

Бұрынғы музейімізде экспонаттарды сақтау оны толықтай залға шығаруға мүмкіндік болмаса, енді руханият орталығынан бізге жалпы көлемі 631 шаршы метр орын беріліп отыр. Оның музей қоры бөлек орналасқан.

Әділбек Серікұлы