Көкшетауда жұмысшы мамандықтар жылына арналған жастар форумы өтті

Көкшетауда жұмысшы мамандықтары жылына арналған облыстық жастар форумы өтті. Онда аймақтың жетекші сарапшылары, жұмыс берушілері мен білім беру өкілдері және жастар бір алаңда тоғысып, техникалық және кәсіптік білім берудің мүмкіндіктерін талқылады. Сондай-ақ өңірдің үздік деген 10 колледжі интерактив көрме ұйымдастырып, өздерінің білім беру бағдарламаларын, студенттердің жетістіктерін және бизнес серіктестермен бірлескен инновациялық жобаларын ұсынды. Қонақтар шеберлік сабақтарына қатысып, түрлі мамандықтарда өздерін сынап көруге мүмкіндік алды.

Айнагүл Балташева, Ақмола облыстық білім басқармасының басшысы:

Ақмола облысында 29 колледж болса, бүгінгі таңда 19 мыңнан астам студент білім алуда. Жыл сайын біз 6 жарым мыңнан астам студенттерді шығарамыз. 80 пайызы өз мамандығы бойынша жұмысқа орналасады.

Бибінұр Әмірханқызы