Былтыр мемлекет қазынасына 135 млрд теңге қайтарылды

Президенттің қабылдауында болған Палата төрағасы осылай деп есеп берді. Әлихан Смайыловтың сөзінше, былтыр барлығы 27 аудиторлық іс-шара өткізіліп, 214 нысан тексерілген. Әсіресе құрылыс нысандарындағы баға қалыптастыру, өңдеу өнеркәсібі жобаларын қаржыландыру, ауыл шаруашылығын субсидиялау ісінде олқылықтар көп. Нәтижесінде жалпы сомасы 862 млрд теңгенің түрлі нормалары бұзылғаны анықталған. Биыл тағы 40-тан астам аудиторлық тексеріс жүргізілмек.

Президент бюджет қаржысының игерілуін тиімді бақылау үшін заманауи цифрлық шешімдерді енгізудің маңызына назар аударды.

Оңғар Алпысбай