Т.Тәжібаевтың 115 жылдығына орай көптомдық жарық көрді

Академик Төлеген Тәжібаевтың педагогика мен психология ғылымдарының дамуына қосқан үлесі ұшан теңіз. Алматыда ғалымның 115 жылдығына жиналған зиялы қауым өкілдері осылай деді. Осы орайда артына өшпес мұра қалдырған қазақтың тұңғыш психолог-ғалымы Төлеген Тәжібаевтің еңбектері жинақталып, бес том болып басылып шықты. Кітаптың көпшілікке таныстырылымы өзі ұзақ жылдар жұмыс істеген әл-Фараби атындағы Қазақ ұлттық университетінде өтті. Шараға жиналғандар Төлеген Тәжібаевтің еңбектері қойылған көрмемен танысып, психология ғылымының бүгіні мен болашағына талдау жасады.

Алмасбек Мәуленов, филология ғылымдарының докторы, профессор:

Әр кітаптың таралымы 1000 дана болды. Атырау, Ақтау, Орал, Ақтөбе университеттерінен сұраныс түсіп жатыр. Өйткені бұл кітап өте қарапайым, түсінікті және классикалық үлгіде жазылған оқу құралы болып саналады.

Айдана Қуантхан