Қарағанды облысындағы индустриялық аймақта 5 ірі кәсіпорын жұмыс істеп тұр

Қарағанды облысы Саран қаласындағы индустриялық аймақта 5 ірі кәсіпорын жұмыс істеп тұр. Онда 3 мың адам еңбек етеді. Маңызды жобаларға инвесторлар тартқан соң, қалада көлік дөңгелегін шығаратын, тұрмыстық техника мен автобус құрастыратын зауыттар ашылды. Соның арқасында Саран қаласы моноқала санатынан шығып, дербес қала статусын алды. Осы бағыттағы жұмыстарды жалғастыру мәселесі Сенаттың Қаржы және бюджет комитетінің Саран қаласында өткен көшпелі отырысында талқыланды.

Бекболат Орынбеков, ҚР Парламенті Сенатының депутаты:

Өндіріс басшыларымен кездесіп, заң тарапынан қандай заңдарға көңілімізді бөлуіміз керек екенін нақтыладық. Екінші мәселе, инвестиция тарту үшін қандай жеңілдіктер тізімін айқындау керек. Үшінші мәселе, инфрақұрылымды жақсарту бойынша қаржы тарту сияқты сұрақтар маңызды болып отыр.

Жандос Бақытұлы