СҚО-дағы Сергеев су қоймасы қалыпты жағдайда жұмыс істеп тұр

Солтүстік Қазақстан облысының Шал ақын ауданында орналасқан Сергеев су қоймасында жарықшақ пайда болғаны туралы ақпарат тарады.

Аудандық әкімдік өкілдері әлеуметтік желіде жарияланған бейнежазбаға қатысты түсінік берді. Гидронысанда ешқандай ақау жоқ, шығып тұрған сым жарықшақ пайда болғандай көрінеді дейді мамандар.

Аталған нысан – Есіл өзенінің ағысын реттейді. Ол 1969 жылы салынған. Қоймадағы су былтыр сәуір айынан бері тасып жатыр. Бұл бұрын болмаған құбылыс. Әдетте көктемде арнасынан асқан су жаз айларында тоқтайтын. Былтырғы тасқынынан кейін нысанның техникалық жағдайын тексеру жұмыстары жүргізіліп жатыр. Су қоймасы қалыпты жағдайда жұмыс істеп тұр.

Эльмира Кәленова