Бельгияда теміржолшылар 9 күндік ереуіл жариялады

Бельгияда теміржолшылар 9 күндік ереуіл жариялады. Машинистердің, жолсеріктердің жұмысқа шықпауының салдарынан қалаларалық пойыздардың басым бөлігі тоқтады. Қазір он пойыздың бесеуі ғана жүріп тұр. Брюссель-Амстердам бағытына қатынайтын халықаралық пойыз да жолға шықпады. Теміржолшылар үкіметтің зейнетақы реформасына, қатаң үнемдеу саясатына қарсы. Машинистердің тәуелсіз кәсіподағы ұйымдастырған наразылық акциясы 2 наурызға дейін жалғасады.

Мари Поль, турист:

Брюгге қаласын көру үшін Парижден арнайы келіп едім. Ереуілдің кесірінен жоспарымыз күл-талқан болды. Енді қонақ үйге оралуға мәжбүрмін.

Луик Ван Борн, Брюссель қаласының тұрғыны:

Мен Кнок қаласына, одан әрі Остенд, Брюгге қалаларына сапарлауым керек еді. Үкімет пен теміржолшылардың проблемасынан неге біз зардап шегуіміз керек?

Нұрсұлу Қасым