Маңғыстауда бір отбасының 3 адамы газдан уланып, қаза тапты

Маңғыстау облысында бір отбасының төрт адамы газға уланып қалды.

Салдарынан 3 адам қаза тапты. Олардың екеуі - жасөспірім. Бір тұрғын ауыр жағдайда ауруханаға жеткізілді. Қайғылы оқиға Мұнайлы ауданында жер үйде болған. Алдын ала болжам бойынша, газды қолдану талаптары бұзылған. Өйткені үй иелері қазандықта газ жағып, мұржасын ажыратып қойған.

Нұрсұлтан Әбдіраш, Мұнайлы аудандық төтенше жағдайлар бөлімінің бастығы:

23 ақпан 2025 жылы Мұнайлы ауданы Атамекен ауылдық округі Қаламқас тұрғын үй массивінде 4 адамның улы газдан улануы анықталды. Оқиға орнында 3 адам қаза тапқан. Мұнайлы аудандық полиция бөлімімен қылмыстық іс қозғалып, тергеу әрекеттері жүргізілуде.

Аягөз Оралбайқызы