Жамбыл облысында сиырларды шекарадан асырмақ болғандар ұсталды

Ірі қара малды алдына салып айдағандарды шекарашылар ұстады. Ақбас және ангус тұқымды сиырлардың барлығы ет бағыты үшін алынған. Соңғы жылдары Өзбекстан және Қырғызстанға ұрланған малды заңсыз өткізу дерегі тыйылмай тұр. Шекарашылар жыл басынан бері 1,3 мың сиырды иелеріне қайтарған. Ал контрабандамен айналысты деген күдікпен шекараны заңсыз кескен 10 азаматқа қатысты сотқа дейінгі тергеу жүріп жатыр.