Ақтөбеде мұзда қалған жылқыны құтқарушылар 3 сағат дегенде әрең алып шықты

Ақтөбеде ойыққа түсіп кеткен жылқыны құтқарушылар үш сағат дегенде мұз құрсауынан аман алып шықты.

Кеше кешкісін куәгерлердің бірі Елек өзенінде судан басы ғана шығып тұрған жылқыны көріп Төтенше жағдайлар департаментіне хабарласқан. Жедел құтқару жасағының қызметкерлері арнайы техникамен өзенге жақындай алмады. Олар оқиға орнына жаяу жетіп, жануарды троспен көтеріп шығармақшы болғанмен, ауыр салмаққа мұз шыдас бермеді. Сондықтан жағалауға дейін мұзды ойып, жол ашуға тура келді.

Жақсыбек Кемал