Үздік бастауыш партия ұйымдары белгілі болды

Алғыс айту күні қарсаңында «AMANAT» партиясында үздік бастауыш партия мен қоғамдық қабылдау бөлмесі байқауы қорытындыланды. Елдің барлық аймағындағы 3700 бастауыш партия ұйымы мен 225 қоғамдық қабылдау бөлмесінің өкілдері іс-шараға онлайн қатысты. Қазылар алқасының шешімімен Алматы облысы, Астана және Шымкенттегі бастауыш партия ұйымдары үздік деп танылды. Ал партияның Түркістан облысы мен Алматы қаласы Алатау аудандық филиалдары қоғамдық қабылдау бөлмелері арасында жеңіске жетті.

Ерлан Қошанов, ҚР Парламенті Мәжілісінің төрағасы:

Әлеуметтік зерттеулер нәтижесіне сәйкес, партия көтеріп жүрген өзекті мәселелердің басым көпшілігі халықтың қолдауы мен сенімінен шығып отыр. Мемлекет басшысы өзінің жолдауы мен сөздерінде партияның рөлін айрықша атап өтеді. Партия жобаларына да оң бағасын беріп жатыр. Бұл - біз үшін үлкен абырой және зор жауапкершілік.

Темірлан Нұрсолтанов