Ақтөбеде 20 бала иіске уланып қала жаздады

Ақтөбеде 20 бала иіске уланып қала жаздады. Оқиға шаһардағы спорт мектептерінің бірінде болған.

Қызметкерлердің бірі суға араластыратын хлорлы қоспалардың бірін байқамай өзге химиялық ерітіндімен ауыстырып алған. Салдарынан оның өзі уланып, ауруханаға жеткізілді. Қазір жағдайы жақсы. Алғашқы көмек көрсетілгеннен кейін амбулаторлық ем алуға жіберілді. Оқиға спорт мектебінің жертөлесінде болған. Ол уақытта суда 20 бала жаттығып жүрген. Олардың барлығы дереу эвакуацияланды. Ешқайсысы зардап шеккен жоқ.

 Жақсыбек Кемал