300 шақырымды үш күнде жүгіріп өтті

Алматылық марафоншылар Талдықорғаннан Алматыға дейін үш күнде жүгіріп келді. 300 шақырымнан аса қашықтықты еңсерген Айжан Аралжан, Ерсін Әлімхан, Аман Нұргелді «Өзіңмен күрес» жобасының қатысушылары.

Олар бұл марафонға бір жыл бойы дайындалған. Күн үзбей таңғы сағат 5.00-те «Медеуге» шығып, 800-ден аса баспалдаққа көтеріліп, жаттығу жасапты. Осы дағды мен әдет шыңдады дейді олар.

Айжан Аралжан, қала тұрғыны:

Бұл жүгірудегі мақсат - барлық кедергі адамның миында екенін көрсету. Екінші, ойымдағы шектеулерді бұзу. Бірінші күні қатты эмоцияға беріліп жылдам жүгірдік. Екінші күні жолда боран болды, қарсы беттен жел соқты. Бірақ біз берілмедік. Қайта өзіміздік қайрап, қамшылап отырдық.

Айдана Қуантхан