Қызылордада 4 оқушы облыстық жұқпалы аурулар ауруханасына түсті

Қызылордада жеке мектептің оқушылары облыстық жұқпалы аурулар ауруханасына түсті. Білім ордасында 4 жасөспірім астан кейін өздерін жайсыз сезінген.

Бастапқы медициналық көмекті мектеп медбикесі көрсетіп, оларға іш ауруына қарсы дәрі берген. Бірақ балалардың жағдайы түзелмеген соң, ата-аналары мектепке жедел-жәрдем шақырған. Әзірге балалардың білім ошағының асханасынан немесе сырттан келген тағамнан уланғаны белгісіз. Ішкі тексеру жұмыстары жүріп жатыр. Ал ауруханада жатқан оқушылар қазір тиісті ем домын алуда.

Шарипа Әлиева, облыстық жұқпалы аурулар ауруханасы бас дәрігерінің орынбасары:

Іш өтуіне, жүрек айнуына байланысты үшеуі бір ұйымнан бір сағатта, бір мезетте келуіне байланысты біз жатқыздық. Қазіргі таңда жағдайлары орташа. Диспекциялық синдромы басылған, асқазан тұсының, ішектерінің шұрылдауы. Ауырсыну қазір басылып тұр.

Әділбек Серікұлы