Атырауда ана мен бала өлімін қалай азайту керектігі талқыланды

Ана мен балаға көрсетілетін медициналық көмекті жақсарту керек. Ол үшін өңірлердегі ауруханалар мен перинаталдық орталықтардың жұмысын бір жолға қойып, қажетті жабдықтармен толық қамтылуы тиіс. Атырау облысына арнайы сапармен барған Парламент мәжілісінің депутаттары осылай деді. Дәл қазір депутаттар мен мәжіліс жанындағы қоғамдық палата мүшелері министрлік өкілдерімен бірігіп, ана мен бала өлімін азайту, маман тапшылығы, ауруханалардың жетіспеуі, ерте жүктілік секілді мәселелерді көшпелі отырыста талқылап жатыр.

Нартай Сәрсенғалиев, Мәжіліс депутаты:

Сіз де ақпарат құралы ретінде білесіз. Біздегі статистиканың қалай әдемі жасалатынын, қалай орталыққа жеткізілетінін. Көп жағдайда дәл осындай ақпараттардың орынсыз, қате, жалған берілуінің салдарынан медицина болсын, білім, мәдениет, ақпарат болсын барлығында осындай коллапс, осындай жағдайға тап болып жатырмыз. Сондықтан өз аяғымызбен келіп, көзбен көру – басты мақсатымыз.

Нұрсұлтан Нұсрейіт