Маңғыстау облысында 7 адам газдан уланып қайтыс болды

Бүгін Маңғыстау облысы Мұнайлы ауданы Басқұдық ауылындағы жеке үйде 7 адамнан тұратын бір отбасы түгел газдан уланып, қайтыс болды. Олардың бесеуі кәмелетке толмаған бала.

Маңғыстау облысы ТЖД-ның алдын ала болжамы бойынша қайғылы оқиға газ жабдықтарының ақауынан болған. Қаза тапқандар Қазақстанда уақытша тұрып жатқан Өзбекстан азаматтары екені анықталды.

Маңғыстау облысы әкімі баспасөз қызметінің мәліметінше, қайтыс болған отбасының туыстарына жан-жақты көмек беріледі, соның ішінде жерлеу рәсімін ұйымдастыруға қолдау көрсетіледі.