ШҚО-да өзендегі мұзды жару жұмысы басталды

Шығыс Қазақстан облысында көктемгі су тасқынының алдын алу үшін өзендерде мұз жару жұмыстары басталды. Егер күн райы күрт жылынып, жаңбыр жауса, қарғын су өзендегі мұздың үстімен ағып, жағаға жайылуы мүмкін. Сондықтан мамандар қауіптің алдын алу үшін Шемонайха ауданындағы Уба өзеніндегі мұзды жарды.

Нәтижесінде өзен ағысындағы 11 мың шаршы метр мұз ойылды. Мұндай жұмыс наурыз бен сәуірде Алтай мен Глубокое аудандарында атқарылады. Ал өңірдегі әр өзендегі мұздың қалыңдығы әртүрлі. Таулы аймақтағы жағдайды білу үшін мамандар апта сайын әуеден шолу жасайды. 

Олжас Керейхан