«Таза Қазақстан» акциясы қоғамда экомәдениетті қалыптастырып келеді

«Таза Қазақстан» акциясы қоғамда экологиялық мәдениетті қалыптастыруға септігін тигізді. Экологиялық акцияға тек былтырдың өзінде Шығыс Қазақстан облысында 300 мыңға жуық адам қатысты. Нәтижесінде 500 мың тонна қоқыс шығарылды. Жазда саябақ пен өзен-көлдің аумағы тазартылып, тарихи ескерткіштің маңы абаттандырылды. Ал қыста волонтерлер қар шығару жұмыстарына көмектесті. Осы шара басталғалы қатысып келе жатқан өскемендік экобелсенділер бүгін қаладағы жоғарғы оқу орындарындағы студенттермен кездесіп, жобаның маңыздылығын түсіндірді. Әсіресе өндірісті өңірдің экологиялық ахуалын оңалту бойынша алда ақарылатын шараларды талқылады.

Еленеа Березинская-Абилова, «Өскемен тынысы» экологиялық бюросының жетекшісі:

Біз үшін мұндай аудиториялардағы кездесулер өте пайдалы. Өйткені студенттерге экологиялық мәдениетті түсіндіруіміз керек. Экологиялық акция деген ол 300 адам жиналып, 50 көшет егу емес. Сондықтан жастардың ұсыныс-пікірін тыңдап, жобалары болса, оны бірігіп жүзеге асыруымыз қажет.

Олжас Керейхан