Белгілі режиссердің кітабы жарық көрді

«Ай астындағы әңгіме». Осындай атаумен театр және кино режиссері, еліміздің Халық әртісі Талғат Теменовтің жаңа кітабы жарық көрді. Жинаққа автордың соңғы жылдары жазған эсселері, очерктері, сұхбаттары мен сценарийлері топтастырылған. Онда кинодраматургтің өмірі мен өнеріндегі, қоғамдағы сан тақырып қамтылған. Кітаптың тұсаукесеріне мемлекет және қоғам қайраткерлері, өнер, театр және кино саласының ардагерлері қатысты.

Айта кетейік, бұған дейін автордың «Гүлназ», «Ой-жасын», «Беймәлім таныс бейнелер» атты кітаптары жарық көрген еді.

Талғат Теменов, Театр және кино режиссері, ҚР халық әртісі:

Оқырманымыз өнер адамдарын тек қана экран мен сахнадан ғана көрмей, экран мен сахна сыртындағы да дүниелерін білуі тиіс. Кітаптың қазіргі таралымы - 500 мың, бірақ тағы да шығады деген ойымыз бар.

Аида Ахметбек