СҚО-да құмар ойынға үйір болған мемлекеттік қызметшілер жұмыстан қуылды

Солтүстік Қазақстан облысында құмар ойынға үйір болған мемлекеттік қызметшілер жұмыстан қуылды. Былтыр «Сыбайлас жемқорлыққа қарсы іс - қимыл туралы» заңға толықтырулар енгізілген еді. Оған сәйкес мемлекеттік қызметшілерге құмар ойындарда бәс тігуге тыйым салынған. Облыстық прокуратура жүргізген тексеріс барысында Ақжар аудандық әкімдігі құрылыс және сәулет бөлімінің бас маманы «1XBET» букмекерлік кеңсесінде жүйелі түрде бәс тігіп келгені анықталды.

Құмар ойындарға қатысып жүрген Ақжар аудандық білім бөлімінің бас маманы мен Ұялы ауылдық округі әкімі аппаратының бас маманы да қызметтен босатылды.

Эльмира Кәленова