Биылғы наурыз шығыста ерекше басталды

Шығыстағы ел-жұрт та бүгін арқа-жарқа көрісіп жатыр. Ұлық мереке Өскемен қаласының орталығында басталды. Ол үшін Республика алаңына ең үлкен киіз үй тігіліп, ұлыстың ұлы күнін ұлықтауға арналған салт-дәстүрге толы ырым-жоралғылар жасалды. Мерекенің қалай өтіп жатқанын өңірдегі тілшіміз Олжас Керейханнан білсек?

Олжас Керейхан, тілші:

Биылғы наурыз шығыста ерекше басталды. Әуелі облыстық драма және опера театры әртістері «Көрісу» салт-дәстүрінен сахналық қойылым көрсетті. Өйткені қайта жаңарып, жасарған дәстүрдің бұл түрі шығыста соңғы бірнеше жылда ғана насихаттала бастады. Ал биыл мерекелік бағдарламамен әрленіпті.

Мерекеге жиналған жұрт бір-бірімен төс қағыстырып ұлыстың ұлы күнімен құттықтады. Үлкендер жастарға жол сілтеп,батасын берді.

Әлібек Нұрмұхаммедұлы, қала тұрғыны:

Ұлыстың ұлы күнін ұлықтауға арнаған мерекелік бағдарлмалар күн сайын ұйымдастырылып тұрмақ. Әр күн бір салт дәстүрге арналмақ. Ал ең негізгі мереке наурыздың 22-сі күні ұйымдастырылмақ.

Олжас Керейхан