Аида Әбікеева бокстан Әлем чемпионы атанды

Қарағандылық Аида Әбікеева бокстан Сербияда өткен Әлем чемпионатында жеңімпаз атанды. Аида Қарағанды облысы тарихындағы әйелдер арасындағы тұңғыш әлем чемпионы атанды. Боксшы өткен жылдың желтоқсан айында ғана Тайланд төрінде Азия чемпионатында топ жарған еді. Араға 3 ай салып, әлемді де бағындырды. Ақтық сынды тікелей эфирден тамашалаған спортшының анасы көз жасына ерік берді. Себебі «қызымның бала күнгі арманы 26 жасында орындалды», дейді.

Қарлығаш Әбікеева, анасы:

Қуанышымызды сөзбен айтып жеткізе алмаймыз. Аналық жүрЕгімізбен дастархан жайып, тосып отырдық. Баласы бәйгеге түскенде ата-ана тақым қысады дейді. Сол секілді тақым қысып, баламыздың тілеуін тілеп отырдық.

Жандос Бақытұлы