Тұрғындар пікірі: Ұлттық құрылтайда қоғамдағы көкейкесті мәселелер қозғалды

Ұлттық құрылтайдың төртінші отырысында көптің көкейіндегі өзекті мәселелер көтерілді. Алматы тұрғындарының пікірі осындай.

Өткен құрылтайда айтылып жатқан өзекті мәселелердің барлығы шын. Жаңағы аутизмнен зардап шегетін балаларға көмек керек, арнайы орындар ашылу керек дегеннің бәрі дұрыс нәрсе. Сол бастамалар жүзеге асырылуы тиіс. Сол жандарға жеткілікті көмек берілу тиіс.

Әлеуметтік желінің қоғамға бір жағынан пайдасы бар, зияны да бар. Әлеуметтік желіні пайдалану туралы қатаң талаптар жарияланады. Сол талаптарды сақтап, желіні дұрыс пайдалана білу керек.

Балалар туралы арнайы қоғам құру керек. Құрылтайда ерекше балалар жөнінде сөз болды. Олардың арнайы жаттығатын орындары ашылып, спорт нысандарын салып беру қажет. Сонда бұл іс-шара ана мен балаға барынша көмек болады.

Темірлан Нұрсолтан