Басты Жаңалықтар Наурызнама: Ұлттық киім – театр сахнасында

Наурызнама: Ұлттық киім – театр сахнасында

18.03.2025 19:45

Алматыдағы Мемлекеттік қуыршақ театры Ұлттық киім күніне орай кішкентай көрермендерге ерекше қойылым ұсынды. «Жыл он екі ай» ертегісінің желісімен сахналанған «Наурыз құпиясы» спектаклінде қазақтың ұлттық киімдеріне басымдық берілген. Жыл басы болуға таласқан кейіпкерлер сахнаға жағалы шапан, ішік, бөрік, жадағай шапан мен сәукеле киіп шықты. Қойылымда танымал ертегінің желісі аздап өзгертілген.

Спектакльде күн мен түн теңелген жыл басы - Наурыз мерекесі Қыдыр атаның берекелі батасымен басталады. Ұлттық салт-дәстүр, ырымдар да қойылымда сәтті үйлестірілген. Мерекеге орай театрдың ұлттық киімдегі қуыршақтарының көрмесі де ұйымдастырылды.

Шоқан Құлназаров, «Наурыз құпиясы» қойылымының режиссері, актер:

Қойылым балаларға бұл өте қатты ұнап жатыр. Көрермен қуанып, көп нәрсені түсініп шыққандары көрініп тұрады. Өйткені келіп алғысын айтып, барыс деген мынандай шапшаң екен ғой. Қой деген өте өнерлі, талантты, секеңдеп жүргенімен пайдасы көп екен ғой деген сияқты.

Қуан Нұрақын

Автор

Қуан Нұрақын

Бөлісу