Ақмола облысында су басу қаупі жоғары аудандарға қосымша күш жіберілді

Ақмола облысындағы су басу қаупі жоғары Аршалы, Атбасар Целиноград аудандары мен Қосшы қаласына облыстық төтенше жағдайлар департаментінің қосымша күші жұмылдырылып, арнайы техника жөнелтілді. Барлығы 21 техника, бес жүзу құралы және сегіз мотопомпа. Жеке құрамнан барған 73 құтқарушы төрт топқа бөлініп, су жолын бөгеп жатыр. Екі аптада су басу қаупі бар елдімекендердегі 38 мың метрге жуық арық, 145 су өткізу жүйелері қардан тазартылды. 3 мың текше метр су сорылды. Облыста, су тасқынына қарсы штаб құрылды.

Бибінұр Әмірханқызы