Алматыда реформалардың даму бағыттары талқыланды

Сарапшылар қысқа мерзім ішінде елдің саяси құрылымында елеулі өзгерістер болғанын айтады. Осыдан үш жыл бұрын наурыз айында Мемлекет басшысының Қазақстан халқына Жолдауы – конституциялық реформаларға бастама болды. Ұлттық құрылтайдың құрылғанын жариялаған болатын. Бұл ел дамуына үлкен серпін берді, - дейді мамандар. Қазақстан стратегиялық зерттеулер институтында бас қосқан еліміздің жетекші сарапшылары соңғы жылдары жүргізіліп жатқан реформалардың жетістіктері мен даму бағыттарын талқылады. Ұлттық құрылтайда ұсынылған Ішкі саясат тұжырымдамасы, коммерциялық емес ұйымдарға қатысты заңнамалық өзгерістер мен шағын және орта бизнесті қолдау мәселесі де сөз болды.

Бекнұр Қисықов, Алматы қалалық қоғамдық кеңестің мүшесі:

Экологиялық кодекс, оның арасында әлеуметтік кодекс оның бәрі біздің демократияға жетуге тағы да бір қадам деп айтуға болады. Сондықтан 3 жылдың арасында 20 жылда болмаған өзгерістер болды. Соның бәрін саяси реформа деп айтуымызға болады.

Қуан Нұрақын