Ел азаматтары Құрылтайда шешімі айтылған өзекті тақырыптарға үн қосты

Бурабайда өткен Ұлттық құрылтайда өзекті мәселелер жан-жақты талқыланды. Ел азаматтары да жиында қозғалған тақырыптарға қатысты пікір білдірді.

Жетісу облысы

«Өркениетке ел болып ұмтылу - барша қазақстандықтың міндеті. Қабілетті ұлт дегеніміз осы» деген Мемлекет басшысының сөзі меніңше Құрылтайдың арқауы, үлкен тұжырымы да сол. Енді біз ел болып сол тұжырымнан қорытынды шығарып, сол тұжырымның орындалуына жұдырықтай жұмылып атсалысу міндетіміз.

Шымкент қаласының тұрғыны

Өкінішке орай арзан күлкіге негізделген кинофильмдер шығып жатыр. Бейәдеп сөздер айтылып оны отбасымен бірге көре алмайсың. Сондықтан осы мәселені Президент айтты. Бұдан былай кинолар комиссияда қаралады. Жекеменшік студия шығарса да, мемлекет шығарса да кино мәселесінде сын болуы керек деді Мемлекет басшысы. Осы мәселе менің ойымнан шықты.

Қалаларды дамыту, моноқалаларды дамыту -  ол да үлкен мемлекеттік іс-шараның бірі. Сондықтан Арқалық қаласының әуежайын қайта қалыпқа келтіру, аэровокзалды заманға сай салу жоспардағы тұрған үлкен іс болуы тиіс.

Темірлан Нұрсолтан