Ақтөбеде «Алтыбақан» ойын-сауық кеші өтті

Ақтөбеде Наурызнаманың онкүндігі аясында Жаңару күніне арналған ойын-сауық кеші өтіп жатыр. Оған қала жастары жиналды.

Бұл кештің ерекшелігі сол – бозбалалар мен бойжеткендер алтыбақан теуіп, ұмытыла бастаған «Ақсүйек», «Орамал тастау» секілді ұлттық ойындарымызды қайта жаңғыртты.

Олар ұлттық киім киіп, бір-бірімен өнер бәйгесіне де түсті. Көпті көрген үлкендер жиналғандарға тағылымы мол салт-дәстүрлеріміз туралы айтып берді. Кешке өнер ұжымдары да үлкен дайындықпен келген.

Орталық алаңға киіз үйлер тігіліп, молшылық пен тоқшылықтың белгісі – Тайқазан орнатылды. Оның диаметрі екі жарым, биіктігі 3 метрден асады.

Жақсыбек Кемал