Алматыда «Жасыл аула» акциясы басталады

Алматыда «Жасыл аула» акциясы басталады. Науқан аясында тұрғындарға көшеттер тегін беріледі. Талап бойынша ағашты алған соң күтіп-баптауы тиіс. Бұл шара жылына екі рет - сәуір және қыркүйек айында өткізіледі. Оған пәтер иелері бірлестіктері қатыса алады. Мемлекеттік мекемелерде жұмыс істейтіндер де осы көшетті алып, ауласына отырғызуына болады. Былтыр қала бойынша 4 мыңға жуық тал-терек егілген. Айта кетейін, «Жасыл аула» акциясы «Таза Қазақстан» және «Алматы - біздің ортақ үйіміз» науқанының аясында ұйымдастырылып отыр.

Данияр Ақшараев, қала тұрғыны:

Былтыр акциямен 20 ағаш алып, осы аулаға отырғызып, өзіміз жаздай қарап, суғарып, ағаш өскеннен кейін бала-шағаға қалады. Таза ауа болады. Биыл тағы ағаш отырғызамыз. Болашақта жақсы болады.

Айдана Қуантхан