Маңғыстауда 48 млн ₸ ұрлаған алаяқтар қолға түсті

Маңғыстауда интернет алаяқтар екі адамды алдап, 48 млн теңгені уысына түсірген. Бірінші дерек бойынша алаяқтар тұрғынның депозиттік шотынан 28 млн теңгеден астам қаражатты аударып алған. Осы оқиғаға қатысты 3 күдікті ұсталды. Оның екеуі Ақтау қаласының, біреуі Қарағанды облысының тұрғыны. Жәбірленушінің қаражаты осылардың есепшоттарына түскен. Қылмысты ұйымдастырған ақтаулық тұрғын уақытша ұстау изоляторына қамалды. Ал келесі дерек бойынша, екінші әйелдің есеп шотынан 20 млн теңге белгісіз біреулердің атына аударылған. Күдікті ретінде Өскемен қаласының екі тұрғыны ұсталды. 

Аягөз Оралбайқызы