Үкіметтік жұмыс тобы: Тұрғындардың қауіпсіздігі басты назарда

Жамбыл облысында Төтенше жағдайлар министрінің орынбасары Кеген Тұрсынбаев бастаған Үкіметтік жұмыс тобы жағдайды бағамдап, шығын көлемін анықтауға кірісті. Жедел штаб жер асты дүмпулері сезілген аудандардағы атқарушы органдар өкілдерімен кеңес өткізді. Өңірдегі сейсмикалық жағдай бақылауға алынып, жер сілкінісінен кейін қалпына келтіру жұмыстары пысықталды.

Үкіметтік жұмыс тобы бірінші кезекте тұрғындардың қауіпсіздігіне және тиісті көмекпен қамтылуын назарда ұстайды. Қазір құтқарушылардың арнайы тобы мен техникасы Меркі және Тұрар Рұсқылов аудандарында жұмыс істеп жатыр.

Данияр Әлімқұл