Семейде жасөспірімді сабаған жеткіншектердің ата-аналары жазаланды

Семейде жасөспірімді жабылып сабаған жеткіншектердің ата-аналары жазаланды. Жасөспірімдер ісі жөніндегі сот олардың бірін балаларына дұрыс тәрбие бермегені үшін 5 тәулікке қамау туралы шешім шығарды. Қалған 4 ата-анаға 78 640 теңгеден айыппұл салынған. Осыған дейін 6-сынып оқушысын тепкінің астына алып, қорлаған 2 бала арнайы мектепке жіберілген еді. Төбелеске қатысқан тағы 3 жеткіншек жасы 11-ге толмағандықтан жазадан босатылған.

Ержан Жақып