Әлімханұлы VS Нгамиссенге: Нысанада - нокаут

Тұтас ел Жәнібек Әлімханұлының титулды жекпе-жегін асыға күтіп жүр. 5 сәуірде жерлесіміз белбеулерін франциялық боксшыдан қорғайды. Жалпы, Жәнібек жекпе-жектерінің алдында көрермендердің қызығушылығын қыздырып, мәлімдеме жасайтыны бар еді. Көбіне қарсыласты нокаутқа жіберемін деп уәде береді және сол сөзінде тұратын. Себебі боксшымыз осыған дейін он қарсыласын сұлатқан. Оның ең жылдам нокауттарының бірі 2016 жылы тіркелді. Жәнібек алғашқы раундта колумбиялық Милтон Нуньесті небәрі 2 минут 25 секундта нокаутқа жіберген еді. Алдағы жекпе-жекте де осындай әсерлі жеңіс тілейміз! Айта кетейік, кәсіпқой бокс кешін «Qazaqstan» және «Qazsport» телеарналары 5 сәуір күні тікелей эфирде көрсетеді.

Темірлан Нұрсолтан