Маңғыстау облысында 11 оқушы тағамнан улану белгілерімен ауруханаға түсті

Маңғыстау облысының Бейнеу ауданында бір мектептің 11 оқушысы ауруханаға жеткізілді.

9-12 жас аралығындағы балалар жалпы білім беретін «Манашы» мектебінде оқиды. Олар сабақтан кейін өздерін жайсыз сезініп, жедел-жәрдем шақырған. Барлығында да құсу, әлсіздік болған. Бейнеу аудандық орталық ауруханасының дәрігерлері оқушыларды тексеріп, жағдайлары бірқалыпты болған соң үйлеріне жібергендерін хабарлады. Ал санитариялық-эпидемиологиялық бақылау басқармасының мамандары мектептің асханасындағы азық-түліктен сынама алып, зерттеуге жіберген.

Аягөз Оралбайқызы