Павлодарда украин қыздар домбыра шертуді үйреніп алған

Павлодарда украин қыздары қазақтың жанын ұғынамын деп домбыра үйренген.

Музыка тілі барша ұлтқа ортақ. Қазақ мәдениетінің бренді саналатын домбырада екі айдың ішінде екі күй үйрендік, дейді павлодарлық София және Вера Головчуктар. Тіпті олар 58 шекті украин ұлт аспабы бондураға қарағанда домбыраны тез үйрендік және бұл аспаптың үні де ғажап дейді. Өнерпаз қыздар бүгінгі күні Ертіс-Баян өңірінің атынан республикалық байқауларға қатысып, жүлделі орындарды иеленіп жүр. Олар 20-ға тарта күй тартады.

Вера Головчук, Т.Шевченко атындағы украин мәдениетінің Павлодар серіктестігінің мүшесі:

Домбыра арқылы таза дала симфониясын орындауға болады. Тұлпар тұяғының дүбірі, шөптің жайқалысы естіледі. Аспапты кері бұрып алып, қақпағын ұрғылау арқылы жануарлар дауысын да салуға болады.

Болат Аманбаев