Астанада аутизм диагнозы бар 77 бала веложарысқа қатысты

Шараға 5 жастан 20 жасқа дейінгі 77 бала қатысқан. Жас ерекшелігіне сай қатысушылар 500 метрден 1 км дейін 2 немесе 4 айналым жасады. Уақыты есептеліп, жеңімпаздар анықталды. Осымен үшінші рет ұйымдастырылып отырған шара дәстүрлі түрде жалғаспақ. Себебі велоспорт – ерекше балалардың дамуына оң әсерін тигізед.

Қайрат Хадылбек, жаттықтырушы:

Мұндай шаралар ерекше балалардың қоғамға бейімделуіне көп әсер етеді. Жарыстардан кейін балаларда спорттық мінез қалыптасады және болашақта Республикалық, Халықаралық жарыстарға қатысуға мүмкіндік береді.

Рысты Қабдуллина, қала тұрғыны:

Немерем Қалиев Әмір 11 жаста. Осы велолегендтке қатысқанымызға қуаныштымыз. Жетекшілер өз баласындай қарайды. Балаларымыз 1 жылдан бері өзгеріп кетті. Айтқандарын тыңдайды, аңғарады. 

Ақниет Балтанова