Солтүстік Қазақстан облысында қазақ киносының апталығы өтіп жатыр

Солтүстік Қазақстан облысында қазақ киносының апталығы өтіп жатыр. Жоба аясында Петропавл қаласы мен аудан орталықтарында көрерменге түрлі жанрда түсірілген 20-ға жуық толықметражды фильм ұсынылады. Сонымен қатар деректі фильмдер мен балаларға арналған анимациялық мультфильмдер көрсетіледі. Шараны ұйымдастырушы – Ұлттық киноны қолдау орталығы. Аталған ұйым соңғы 5 жылда көпшілікке 120-ға жуық өнім ұсынды.

Құрманбек Жұмағали, Ұлттық киноны қолдау мемлекеттік орталығының басқарма төрағасы:

Жылдың аяғына дейін барлық өңірді аралаймыз. Өңір орталықтарында ғана емес, ауыл-аймақтар, аудан орталықтарын да, бүкіл қазақ жұрты, еліміздің азаматтары қазақ киносын көрсін деген мақсатымыз, ниетіміз. 

Эльмира Кәленова