Байқоңырда ғарыш күні тойланды

Әлем тарихында ең алғаш адамзат баласы ғарышқа аттанған жер кіндігі – Байқоңырда ғарышкерлер күні тойланды.

Биыл, ғарышкерлер қалашығының құрылғанына - 70 жыл. Байқоңырдан 1961 жылдан бері 5 мыңға жуық зымыран ұшырылды, космосты игеру жолында көптеген ғылыми жаңалық ашылды. Мерекеге орай жылдағы дәстүрмен шаһарда салтанатты шара өтті. Тұрғындар орталық алаңға жиналып, арнайы концерттік бағдарламаны тамашалады. Сондай-ақ көпшілік ғарыш айлағының негізін қалаған ғалым Сергей Королевтің ескерткішіне гүл-шоқтарын қойып, ғарышкерлерге тағзым етті.

Шынар Рахмешкенова, қала тұрғыны:

Артымызда өсіп келе жатқан ұрпақ та осылай қаламызды көркейтіп, өніп-өсіп, ғарышқа жол салған бірінші адамды ұмытпаса екен дейміз.

Әділбек Серікұлы