Стратегиялық маңызды салаларға $1 млрд бөлінеді

Еуразиялық даму банкі былтыр Қазақстан экономикасына 1 миллиард 400 миллион доллар салды. Инвестициялық портфельдегі қазақстандық жобалардың үлесі 60 пайызға жеткен. Президент Қасым-Жомарт Тоқаев банктің басқарма төрағасы Николай Подгузовты қабылдады. Биыл Қазақстан ұйымға жалпы сомасы 4 жарым миллиард доллардың жаңа жобаларын ұсынып отыр. Еуразиялық даму банкі энергетика, көлік, инфрақұрылым, өнеркәсіп пен цифрлық технология салаларына 1 млрд доллар бағыттамақ. Мемлекет басшысы біздің ел ынтымақтастықты одан әрі нығайтуға бейілді екенін растады.

Шерхан Жамбылұлы