Театр туралы арнайы заң қажет

Елімізге театр туралы арнайы заң қажет. Авторлық құқық мәселесі де ақсап тұр, - дейді сала мамандары. Тіпті ТМД мемлекеттерінің өзінде театр туралы заң бұрыннан бар. Театртанушылардың сөзінше, Қазақстанда мәдениет туралы заңның ішінде өнер ордалары туралы тармақ болғанымен, ұжымның құзыреттілігі мен шығармашылық бағыт-бағдары көрсетілмеген. Сондай-ақ драматургтердің, режиссерлардың құқықтары да заң бойынша әлі дұрыс жолға қойылмаған. Соның кесірінен өнерпаздар қаламақыға қол жеткізе алмай келеді, - дейді Алматыда бас қосқан өнертанушы ғалымдар мен театртанушылар.

Анар Еркебай, театртанушы:

Шетелге шыққан кезде де шетелдік пьесаларды біз көбіне қазақшаға аударып қоямыз. Ал олардың драматург, жазушыларының авторлық құқықтары жолға қойылған. Сол пьеса бойынша қойылған спектакльді көбінесе шетелге алып барып, сол жақтағы фестивальдерге көрсету өзінің кедергілерін тигізіп жатыр.

Қуан Нұрақын