Өңірлер өрт сөндіру техникаларымен жабдықталады

Өңірлер қосымша өрт сөндіру техникаларымен жабдықталмақ. Экология және табиғи ресурстар вице-министрінің айтуынша, Қазақстанның оңтүстік және батыс өңірлері үшін өрт маусымы 26 наурыздан, солтүстік және орталық өңірлер үшін 7 сәуірден, ал шығыс өңірлер үшін 14 сәуірден бастап белгіленді. Ведомство мемлекеттік органдармен бірлесе ірі орман өрттеріне жол бермеу шараларын қабылдап жатыр.

Нұркен Шәрбиев, Экология және табиғи ресурстар министрінің орынбасары:

Бүгінде Экология және табиғи ресурстар министрлігінің мекемелері үшін 136 шағын орман патрульдік кешені мен 60 трактор сатып алынды. Қалған 166 өрт сөндіру машинасы, 27 шағын орман патрульдік кешені мен 15 трактор маусым айының соңына дейін сатып алынады. Биыл жергілікті бюджеттен 6,3 млрд теңге облыс әкімдіктері орман шаруашылығын жарақтандыруға бөлінді.

Темірлан Нұрсолтан