Ақтөбеде «Hackathon-2025» идеялар байқауы өтіп жатыр

Ақтөбеде талантты жастар IT бағдарламалар әзірлеуден сынға түсіп жатыр. Қатысушылар өздеріне берілген уақыт ішінде жасанды зерде өнімдерін, түрлі қосымшалар мен ойындарды ойлап табуы тиіс.

Хакатон байқауы өңірде 2023 жылдан бері ұйымдастырылып келеді. Жыл сайын қатысушылар саны артып, географиясы кеңеюде. Биыл 14 колледжден 50-ге жуық білім алушы қатысуда. Олар екі тәулік ішінде сайыс шарттарын орындап үлгеруі тиіс. Ерекше идея авторларына арнайы сыйлықтар табысталып, тың жобалар бизнес қауымдастықтар тарапынан қолдау таппақ.

Жалғас Қамидолла, студент:

Менің жобам жұмыскерлерді оңай таңдау және олардың жұмысын тиімділігіне қарай таңдайды. Егер бұл проект іске асса және ол әрі қарай жалғасса, біздің Қазақстанда жұмыс таңдау оңайырақ болады деген ойдамын.

Жақсыбек Кемал