Балалардың құқықтарын қорғау комитеті ата-аналарға үндеу жолдады

Былтыр елімізде балалардың терезеден құлап кету фактісі, алдыңғы жылға қарағанда көп. Өкінішке қарай, жыл сайын мұндай қайғылы оқиғалар жиілеп барады. Әсіресе, 2-5 жас аралығындағы бүлдіршіндер үшін қауіп басым. Терезеге арнайы қорғаныс құралдарын орнату маңызды. Бұдан бөлек, суға түсу маусымы басталған бетте балалар үшін қауіп-қатер де еселене түседі. Сондықтан, Балалардың құқықтарын қорғау комитеті ата-аналарға жаз мезгілінде аса мұқият болып, сақтық шараларын ширата түсу керектігін тағы бір мәрте ескертеді.

 Насымжан Оспанова, ҚР Оқу-ағарту министрлігі Балалардың құқықтарын қорғау комитетінің төрағасы:

2024 жылы елімізде балалардың су айдындарында қаза табуы өткен жылмен салыстырғанда 1,5 есе өскен. Құрметті ата-аналар! Балаларымыздың амандығы – біздің ең үлкен жауапкершілігіміз. Біз олардың қауіпсіздігін қамтамасыз етуге міндеттіміз. Қайғылы жағдайлардың алдын алу – өз қолымызда!

Азамат Бейбітұлы